Шүүхийн сургалт, судалгаа, мэдээллийн хүрээлэнгээс Эрүүгийн хэргийн шүүхийн шүүгчдийн 2021 оны сургалтыг “Эрүүгийн болон эрүүгийн хэрэг хянан шийдвэрлэх эрх зүй: Хөөн хэлэлцэх хугацаа, түүнийг тоолох журам” хөтөлбөрийн хүрээнд бэлтгэн, сургалтын тусгай платформд 2021 оны 12 дугаар сарын 27-ны өдрөөс албан ёсоор байршуулсан. Эрүүгийн хэргийн шүүхийн шүүгчид 2022 оны 1 дүгээр сарын 20-ны өдрийг хүртэлх хугацаанд уг сургалтад хамрагдана.

Мөн сургалтад хамрагдах шүүгчдийг хоёр хэсэгт хуваан дээрх сэдвийн хүрээнд шүүгч-багш, шүүгчдийн хооронд хэлэлцүүлэг өрнүүлэх бататгах цахим сургалтыг 2022 оны 1 дүгээр сарын 25, 27-ны өдөр зохион байгуулахаар товлолоо.

Сургалтын тусгай платформд байршуулсан сургалтад хамрагдсан шүүгчид энэхүү бататгах сургалтад хамрагдсанаар багц цаг хангасанд тооцогдох юм.

ШҮҮХИЙН СУРГАЛТ, СУДАЛГАА, МЭДЭЭЛЛИЙН ХҮРЭЭЛЭН