Улсын Дээд шүүхийн Тамгын газар нь Шүүхийн тухай, Төсвийн байгууллага, удирдлага, санхүүжилтын тухай, Төрийн албаны тухай, Хөдөлмөрийн тухай хууль болон тэдгээртэй нийцүүлэн гаргасан дүрэм, журамд заасны дагуу:
Ажилтны мэдлэг боловсрол, мэргэжил, туршлага, мэргэшлийн ур чадварын үндсэн дээр нээлттэй өрсөлдөөний зарчмаар ажил, албан тушаалд томилох;
Шүүх хуралдааны бэлтгэл, зохион байгуулалтыг хангах;
Шүүхэд ирсэн хэргийг бүртгэх, шүүхийн шийдвэр болон мэдэгдэх хуудсыг холбогдох албан тушаалтан, байгууллагад хүргүүлэх;
Иргэн, албан тушаалтан, аж ахуйн нэгж, байгууллагаас ирсэн өргөдөл, гомдлыг хүлээн авч зохих журмын дагуу шийдвэрлэх ажлыг зохион байгуулах, өргөдөл, гомдлын шийдвэрлэлтийн хугацаанд хяналт тавих;
Шүүхийн практикийг судлах;
Шүүгчийг шаардлагатай хууль тогтоомж, холбогдох мэдээллээр хангах, сургалт зохион байгуулах;
Шүүхийн төсөв, санхүүгийн асуудлыг хариуцах;
Байгууллагын орон тоо, цалингийн санг тогтоох;
Шүүхийн гадаад харилцааны асуудлыг хариуцах;
Шүүхийн аж ахуйн үйл ажиллагааг хөтлөн явуулах;
Шүүхийн техник , тоног төхөөрөмжийн хэвийн ажиллагааг хангах;
Шүүхийн хэрэг, материал, архив, албан бичиг баримтыг хадгалах, хамгаалах, хэрэглэх журмыг тогтоох;
Ажилтны үйл ажиллагааны үр дүн, мэргэшлийн түвшингийн үнэлгээг үндэслэн албан тушаал дэвшүүлэх, зохих шатны сургалтад хамруулах, цол, зэрэг дэв олгох, цалин хөлсийг өөрчлөх, шагнаж урамшуулах, албан тушаал бууруулах, чөлөөлөх, халах;
Шүүхийн өдөр тутмын үйл ажиллагааг хэвийн явуулах нөхцлөөр хангах ажлыг эрхлэн гүйцэтгэж байна.